https://hk.news.yahoo.com/巨富派開工利是-20-員工-慳返個利是封吧-060719012.html
巨富派開工利是$20 員工：慳返個利是封吧
19+
24 人追蹤
2018年2月20日 下午2:07
查看相片
照片由報料讀者提供
某位香港大企業之首，初五派開工利是得廿皮，惹嚟扮工友大吐苦水。
打工仔放完新年假，大部份未回魂，若然收到封銀碼令人醒神嘅開工利是，仲爽過食早晨全餐。不過有人收到嘅開工利是，就連早晨全餐都買唔起。
我哋收到報料，某位貴為香港大企業之首嘅巨富，
年初五向員工派嘅開工利是，入面只得廿蚊。
查看相片
今時今日百物騰貴，莫講話早餐買唔起，
員工自己派畀屋企樓下個看更呀，都唔止呢個價啦！
難怪報料扮工友話，不如慳返個利是封吧啦！結果一班員工條氣唔順，朝早開工都冇乜心機。
大家開工利是又係幾多呢？你哋都嫌$20太少？
等小編講多兩個殘酷現實過你哋知。
查看相片
1）翻查資料，呢位巨富接受傳媒訪問時，屢屢表示最重視員工，話員工係公司最大資產，又話遇到敬業同勤奮嘅員工呢，一定要留住佢。嘩，到底係有人講心唔講金，定係講一套做一套？
2）小編即時幫你哋比較返市面上開工利是，大部份都係$50-$100，某傳媒機構有$300，某建造業公司有$500，而最高嘅大機構係 「海馬公園」，有$1200！！！
即係話人哋逗一年，等於你逗60年呀！
逗到你退休都唔夠人哋收一封，問你死未？
查看相片
唔好死住。再諗吓「海馬公園」同巨富企業集團業績，你話邊個高啲？
其實開工利是都係老闆對員工心意，攞個意頭，唔似去飲做人情，冇話公價，又冇話老奉要畀，畀得少都好難怪老闆啲乜。不過如果封利是令到員工醒神，做嘢爽手啲，簽多幾張單，湊多幾個客，最後咪又係公司得益！
講開有錢佬派開工利是，小編就聽過麥玲玲話，富商呀老闆呀畀嘅利是最好儲起幾年，沾有錢人嘅運氣聚財。如果你嫌咁樣太迷信，捐出去行善積德，幫吓有需要人士都唔錯。至於向我哋報料嘅扮工友，就夾埋其他幾個員工嗰$20，走去買下午茶仲要幾份人分一杯凍OT～
查看相片
無論開工利是多與少，都係攞個意頭。利是唔多，就努力工作，喺花紅度搵返吧！
小編都喺度祝大家開工大吉！工作順利！
看這些話題的相關文章：
巨富派開工利是$20 員工：慳返個利是封吧
19+
24 人追蹤
2018年2月20日 下午2:07
查看相片
照片由報料讀者提供
某位香港大企業之首，初五派開工利是得廿皮，惹嚟扮工友大吐苦水。
打工仔放完新年假，大部份未回魂，若然收到封銀碼令人醒神嘅開工利是，仲爽過食早晨全餐。不過有人收到嘅開工利是，就連早晨全餐都買唔起。
我哋收到報料，某位貴為香港大企業之首嘅巨富，
年初五向員工派嘅開工利是，入面只得廿蚊。
查看相片
今時今日百物騰貴，莫講話早餐買唔起，
員工自己派畀屋企樓下個看更呀，都唔止呢個價啦！
難怪報料扮工友話，不如慳返個利是封吧啦！結果一班員工條氣唔順，朝早開工都冇乜心機。
大家開工利是又係幾多呢？你哋都嫌$20太少？
等小編講多兩個殘酷現實過你哋知。
查看相片
1）翻查資料，呢位巨富接受傳媒訪問時，屢屢表示最重視員工，話員工係公司最大資產，又話遇到敬業同勤奮嘅員工呢，一定要留住佢。嘩，到底係有人講心唔講金，定係講一套做一套？
2）小編即時幫你哋比較返市面上開工利是，大部份都係$50-$100，某傳媒機構有$300，某建造業公司有$500，而最高嘅大機構係 「海馬公園」，有$1200！！！
即係話人哋逗一年，等於你逗60年呀！
逗到你退休都唔夠人哋收一封，問你死未？
查看相片
唔好死住。再諗吓「海馬公園」同巨富企業集團業績，你話邊個高啲？
其實開工利是都係老闆對員工心意，攞個意頭，唔似去飲做人情，冇話公價，又冇話老奉要畀，畀得少都好難怪老闆啲乜。不過如果封利是令到員工醒神，做嘢爽手啲，簽多幾張單，湊多幾個客，最後咪又係公司得益！
講開有錢佬派開工利是，小編就聽過麥玲玲話，富商呀老闆呀畀嘅利是最好儲起幾年，沾有錢人嘅運氣聚財。如果你嫌咁樣太迷信，捐出去行善積德，幫吓有需要人士都唔錯。至於向我哋報料嘅扮工友，就夾埋其他幾個員工嗰$20，走去買下午茶仲要幾份人分一杯凍OT～
查看相片
無論開工利是多與少，都係攞個意頭。利是唔多，就努力工作，喺花紅度搵返吧！
小編都喺度祝大家開工大吉！工作順利！
看這些話題的相關文章：
