41歲童姥同囝囝拍拖 激似姐弟

[KangTao]

2013年12月31日

41歲童姥同囝囝拍拖　激似姐弟

喺台灣有唔少靚女藝人，其中有一位媽媽級人馬就有「無敵愛美神」之稱，呢一位媽媽個仔仲14歲大，佢就係「美魔女」吳玟萱，之前一班高登仔仲封咗佢做「台版羅霖」添。

吳玟萱同佢囝囝一向關係都唔錯，不時會有同囝囝嘅合照放上微博，唔知會唔會因為吳玟萱個樣又靚又後生，所以同囝囝代溝會少啲呢？近日又有一批佢同囝囝嘅合照流出，網民對於吳玟萱同佢囝囝嘅樣都有唔少評價，好似話個囝囝完全「遺傳」唔到媽媽個樣嘅DNA，當然亦有唔少人話佢哋兩個似姊弟多過似母子。

「美魔女」現年41歲，同囝囝相差27年，呢個計算只適用於數字上，因為睇佢哋兩個個樣，話只係差3、4年都有人信，過多幾年囝囝開始再大啲，個樣再成熟啲，但「美魔女」個樣就唔變，到時只怕人哋唔會再佢哋姊弟，話係兄妹都有人信。

睇佢兩母子啲相，唔清楚佢哋關係的話，甚至會誤會佢哋係一對年紀有少少差距嘅情侣咁添。